Алматы қаласы                                            № 2                                         26.10.2021 ж.

«Бір шежіре – Бір тарих» редакциялық алқасы шешім қабылдады:

  1. Энциклопедиялық анықтамалыққа енгізілетін өмірбаянға: 4х6 форматтағы сурет, дүниеге келген (күні, айы, жылы) мерзімі мен жері (облыс, аудан, ауыл), алған білімі (кәсіптік, орта арнаулы, жоғары) мен бітірген оқу орындары (кәсіптік, орта арнаулы, жоғары), қызмет атқарған жылдары мен орындары, шығармашылық адамдарының шығармалары мен олардың шыққан жылы және баспасы, мемлекеттік және халықаралық марапаттары, жеті атасы, марқұм болған кісінің дүниеден өткен (күні, айы, жылы) мерзімі мен жері (облыс, аудан, ауыл), тағы да басқа маңызды деректері жинастырылсын.
  2. Энциклопедиялық анықтамалыққа КСРО және КСРО-ның құрамдас республикаларының мемлекеттік атақтарымен, мемлекеттік ордендерімен, мемлекеттік және партия, комсомол, мәдениет ұйымдарының сыйлықтарымен марапатталғандардың өмірбаяндары енгізілсін.
  3. Энциклопедиялық анықтамалыққа КСРО және КСРО-ның құрамдас республикаларының, Қазақстан, Өзбекстан, Ресейдің мемлекеттік қайраткері, Парламент депутаты, министрі, министрдің орынбасары, облыс және республикалық бағынышты қалалардың басшысы мен оның орынбасары (әкімі, мэрі, губернаторы, КОКП облыстық және қалалық партия комитетінің хатшысы, халық депутаттары Кеңесінің және атқару комитетінің төрағасы мен орынбасары, аппарат басшысы), аудан және ауданға бағынышты қала басшысы (әкім, КОКП аудандық партия комитетінің хатшысы, халық депутаттары Кеңесінің және атқару комитетінің төрағасы мен орынбасары, аппарат басшысы), облыстық, қалалық, аудандық бөлім және басқарма басшысы өмірбаяндары енгізілсін.
  4. Энциклопедиялық анықтамалыққа КСРО және КСРО-ның құрамдас республикаларының, Қазақстан, Өзбекстан, Ресейдің облыстық және республикалық бағынышты қалалардың депутаты (кеңес, мәслихат, т.б.), облыстық және аудандық, қалалық өзін-өзі басқару орындарының басшылары (аудандық, қалалық Кеңес төрағасы, мәслихат хатшысы мен тексеру комиссиясының төрағасы) өмірбаяндары енгізілсін.
  5. Энциклопедиялық анықтамалыққа КСРО заманындағы кеңшар (совхоз), трест директоры өмірбаяндары енгізілсін.
  6. Ауылдық деңгейдегі басшы (ауылдық кеңес төрағасы, ауыл әкімі, колхоз төрағасы, мектеп директоры, шаруашылық қайраткері) еңбектері ру тармақтары және тиісті ауыл жөніндегі мақалаларға енгізілсін.
  7. Осы шешімді орындау үшін жауапты хатшы Н.Рахымжановқа жолдансын.

Редакциялық алқа төрағасы                                                       Ә.Әбжаппаров

Жауапты хатшы                                                                            Н.Рахымжанов