Алматы қаласы                                            № 3                                         18.11.2021 ж.

«Бір шежіре – Бір тарих» редакциялық алқасы шешім қабылдады:

  1. Энциклопедиялық анықтамалыққа енгізілетін өмірбаянға: 4х6 форматтағы сурет, дүниеге келген (күні, айы, жылы) мерзімі мен жері (облыс, аудан, ауыл), алған білімі (кәсіптік, орта арнаулы, жоғары) мен бітірген оқу орындары (кәсіптік, орта арнаулы, жоғары), қызмет атқарған жылдары мен орындары, шығармашылық адамдарының шығармалары мен олардың шыққан жылы және баспасы, мемлекеттік және халықаралық марапаттары, жеті атасы, марқұм болған кісінің дүниеден өткен (күні, айы, жылы) мерзімі мен жері (облыс, аудан, ауыл), тағы да басқа маңызды деректері жинастырылсын.
  2. Энциклопедиялық анықтамалыққа КСРО және КСРО-ның құрамдас республикаларының, Қазақстан, Өзбекстан, Ресей Ғылым Академиясының академигі (толық мүшесі), корреспондент мүшесі; тақырыптық Ғылым академиясының президенті, вице-президенті, ғылым докторы, ғылым кандидаты, PhD докторы, Шет елдік Ғылыми академиясының академигі, энциклопедияшы, Нобель сыйлығының лауреаты, Өнертабыс иелері – патент, авторлық құқық қорғау құжаттарының иегерлері, мемлекеттік сыйлықтармен, ғылым саласындағы стипендиямен марапатталғандардың өмірбаяндары енгізілсін.
  3. Энциклопедиялық анықтамалыққа КСРО және КСРО-ның құрамдас республикаларының, Қазақстан, Өзбекстан, Ресейдің жоғарғы оқу орындарының ректоры, проректоры, профессоры, доценті (қауымдастырылған профессор), деканы; Ғылыми зерттеу институтының басшысы, басшысының орынбасары, бас ғылыми хатшысы, бас ғылыми қызметкері; Ғылым және білім министрі, министрдің орынбасары, министрлік құрамындағы департамент, басқарма және комитет басшысы; облыстық, қалалық және аудандық бөлім және басқарма басшысы, облыстық басқарма басшысының орынбасары өмірбаяндары енгізілсін.
  4. Энциклопедиялық анықтамалыққа КСРО және КСРО-ның құрамдас республикаларының мемлекеттік атақтарымен, мемлекеттік ордендерімен, мемлекеттік және партия, комсомол, білім ұйымдарының сыйлықтарымен марапатталғандардың өмірбаяндары енгізілсін.
  5. Энциклопедиялық анықтамалыққа КСРО және КСРО-ның құрамдас республикаларының, Қазақстан, Өзбекстан, Ресейдің еңбек сіңірген ғылым қызметкері (қайраткері), еңбек сіңірген жоғарғы білім қызметкері, еңбек сіңірген халық ағарту қызметкері, еңбек сіңірген мұғалім (оқытушы) атағымен марапатталған өмірбаяндары енгізілсін.
  6. Арнаулы орта оқу орындары, ауылдық деңгейдегі мектеп директоры еңбектері ру тармақтары және тиісті ауыл жөніндегі мақалаларға енгізілсін.
  7. Осы шешімді орындау үшін жауапты хатшы Н.Рахымжановқа жолдансын.

Редакциялық алқа төрағасы                                                       Ә.Әбжаппаров

Жауапты хатшы                                                                            Н.Рахымжанов