«Келісемін»
«Шора батыр» мәдени орталығы»
Қоғамдық қорының төрағасы
__________Н.Рахымжанов
«22» ақпан 2021 жыл
«Бекітемін»
Жайылма ауылдық балалар
өнер мектебінің директоры
__________ Ә. Әбенов
«22» ақпан 2021 жыл
«Аңызға айналған Шора батыр» атты мектепішілік оқушылар арасындағы суретші байқауының
ЕРЕЖЕСІ
Қазақ халқы қашанда талантты балаларының қанатын қолдап, түрлі додаларға қатыстыру арқылы жүйріктігін байқап отырған. Жалпы кез-келген өнерлі жан өзінің шын талант иесі екендігін дәлелдегенде ғана өсіп, шыңдалатын болады. Осы дарынды балалар мен жасөспірімдердің шығармашылығына қолдау көрсету, оның ішінде бейнелеу өнері арқылы ұлттық өнерімізді мейлінше қадірлеп, құрметтеуге ықпал ету, өнерлі балалар есімдерін тауып, халыққа насихаттау мақсатында ұйымдастырылып отырған «Аңызға айналған Шора батыр» атты байқаудың жас таланттарға берері де көп болмақ.
1. Байқаудың мақсаттары мен міндеттері:
Балалар мен жасөспірімдерге рухани – адамгершілік, азаматтық – патриоттық және көркем – эстетикалық тәрбие беру.
Елбасымыздың «Рухани жаңғыру» бағдарламасы аясында «Ұлы даланың Ұлы есімдері» бағытын қолдау. Түркі жұртының Ұлы батырларының бірі Шора Нәрікұлы туралы суреттер салу.
2. Байқаудың өтілу шарты:
Байқауға аймақ көлемінде білім беру мекемелерінің оқушылары қатыса алады. Әр білім беру мекемесінен қатысушылардың санына шектеу қойылмайды
Қатысатын оқушылар жасалған, салынған дайын жұмысты әкеліп көрме ретінде өтеді және жасаған жұмысын оқушы өзі сол жерде қорғайды.
Байқауға қатысатын өнерпаздардың жас ерекшеліктері: 7-15 жас.
3. Талаптары мен шарттары: Байқауға қатысушы әрбір оқушы «Аңызға айналған Шора батыр» тақырыбындасалған суреттері мен жасаған жұмыстарыА3 форматынан кем болмауы керек және дайын салынған суретті әкеледі.
4. Әділқазы алқасы. Қорытынды жасау, жеңімпаздарды марапаттау.
Байқаудың қорытындысы бойынша марапаттау:
I орын – сыйлық және мадақтама;
II орын – сыйлық және мадақтама;
III орын – сыйлық және мадақтама;
Қалған қатысушыларға ынталандыру сыйлығы және алғыс хат.
Байқауға қатысушылардың арасынан үздік сериялық сурет салушылардың бірімен «Шора батыр» мәдени орталығы» Қоғамдық қорымен алдағы уақытта шығатын кітаптарды безендіру жұмыстары жөнінде шартқа отыру мүмкіндігі таразыланатын болады.
** Байқау 2021 жылдың 30 сәуірі күні өтіп, оған 11 суретші 14 шығармасымен қатысты. Бірінші орын – Ұлжан ҚАЛҚАМАН, екінші орын – Сағина ОРЫНБАСАР, үшінші орын – Еңлік ТІЛЕКТЕС алды. Байқау жеңімпаздары ақшалай сыйлықтармен және мадақтама парақтарымен, ынталандыру сыйлықтары және ақшалай сыйлықтармен марапатталды.
