2021 жылы 10 мамырда сағат 11:00-де Нұр-Сұлтан қаласындағы саябақта (Панфилов көшесіндегі «Городской Романс» тұрғын үй кешеніне қарсы) профессор, ғалым, мемлекет және қоғам қайраткері, “Қарабура әулие” мәдени орталығы” қоғамдық қорының төрағасы Мұсағали Дуамбеков атындағы аллея мен мемориалдық тақтаның салтанатты ашылуы болды.
Мұсағали Дуамбеков – қоғам қайраткері, экологиялық сарапшы, техника ғылымдарының докторы, профессор, Қазақстан Республикасының Халықаралық экологиясы академиясының президенті, Қазақстанның Азаматтық альянсының вице-президенті, Қазақстан Республикасының Халықаралық «Еуразия» академиясының академигі, Қырғызстан Республикасы Халықаралық дәстүрлі және эксперименттік медицина академиясының академигі, Қазақстан Республикасы Ауыл шаруашылығы министрлігі жанындағы «Адалдық алаңы» жобалық кеңсесінің жетекшісі, Қазақстан Республикасы Сыбайлас жемқорлықпен күрес жөніндегі Агенттігінің арнайы мониторинг тобының мүшесі.Аллеяның ашылуын Нұр-Сұлтан қаласы әкімдігінің, Қазақстанның табиғатты қорғау ұйымдарының қауымдастығының (Басқарма төрағасы Айгүл Сағадибекқызы Соловьеваның жетекшілігімен) қолдауымен Халықаралық Экология академиясы (Президенті Әбдуалиева Айгүл Кадесқызы жетекшілігімен) өткізді.
Мұсағали Дуамбеков Халықаралық Экология академиясының, «Қазақстанның экологиялық қоры» қоғамдық қорының, «Халықаралық экологиялық таза өнім өндірушілер қауымдастығы» ЗТБ-нің, «Сыбайлас жемқорлыққа қарсы іс-қимыл жөніндегі халықтық комитет» қоғамдық қорының негізін қалаушысы болды. «Экология. Экологиялық таза өнімдер, технологиялар мен қызметтер» (ТК-No 60) Стандарттау жөніндегі ұлттық техникалық комитеттің төрағасы болды. Ол 200-ден астам мақала, 10 монография, 15 оқулық жазды, 3 өнертабысты ашты, 8 патенті болды.
Мұсағали Дуамбеков 15 жылдан астам уақыт бойы экологиялық таза өнімдер, қызметтер мен процестер индустриясын дамытып келеді. Оның басшылығымен Халықаралық Экология академиясы TC / ISO 2007 «Экологиялық менеджмент» стандарттау жөніндегі Халықаралық ұйымының және Экологиялық маркалаудың ғаламдық жүйесінің (GlobalEcolabellingNetwork (GEN) толық мүшелігіне өтті. Ол ғұмыр бойы азаматтық қоғамды дамытуға, оның ішінде қоршаған ортаны қорғау, жасыл экономика мен экологияны дамытуға баға жетпес үлес қосты.
Саяси қайраткерді еске алу шарасына Қазақстан Республикасы Экология, геология және табиғи ресурстар министрлігінің, Қазақстан Республикасы Ауыл шаруашылығы министрлігінің басшылығы, Сенат пен Мәжіліс депутаттары, Қазақстанның Азаматтық Альянсы, үкіметтік емес ұйымдардың, оқу орындарының және басқа да ұйымдардың өкілдері қатысты. Аталған шарада қоғам қайраткерлері Төлеутай Сүлейменов, Зәуреш Батталова, Мұрат Әбенов, Ғалым Байтөк, Сәуле Жанпейісова сынды Мұсағали Сәрсенбайұлының әріптестері мен туған-туыстары қатысып, сөз сөйлеп, Мұсағали Дуамбековтың ел өміріндегі елеулі еңбегіне тоқталды.
